Sahihu i Buhariut — Hadithi 1477
53. Nënkapitulli: Ajeti: “Nuk i bezdisin njerëzit duke u lypur”; kush konsiderohet i pasur, si dhe thënia e Pejgamberit ﷺ: “Nuk gjen pasuri që i mjafton”, dhe fjala e Allahut: “(Lëmosha) u takon të varfërve, të cilët kanë hyrë në rrugën e Zotit e nuk janë në gjendje të udhëtojnë (për të fituar). Kush nuk i njeh ata, kujton se janë të kamur, për shkak se ata nuk lypin. Do t’i njohësh nga pamja e tyre. Ata nuk i mërzisin njerëzit duke lypur. E çdo gjë që shpenzoni prej të mirave, Allahu i di ato."
1477. Nga: Mugire ibn Shuëbe
Jakub ibn Ibrahimi na ka thënë: Na ka treguar Ismail ibn Uleje, e këtij i ka treguar Halid Hadhai, e ky nga Ibn Eshvai, e ky nga Shabiu se qatipi i Mugires (Verad Thekafiu) ka thënë: “Muaviu (Allahu qoftë i kënaqur me të!) i shkroi Mugire ibn Shuëbes: “Më shkruaj diçka që ke dëgjuar prej Pejgamberit ﷺ.” Ai i shkroi: “E kam dëgjuar Pejgamberin ﷺ duke thënë: “Allahu jua urren tri gjëra:
1. Thashethemet,
2. Shpërdorimin e pasurisë dhe
3. Pyetjet e tepërta.”