Sahihu i Buhariut — Hadithi 832
149. Nënkapitulli: Duaja para selamit
832. Nga: Aishe bint Ebu Bekri
Ebu Jemani na ka thënë: Na ka rrëfyer Shuajbi, e ky nga Zuhriu, e këtij i ka rrëfyer Urve ibn Zubejri se Aishja (Allahu qoftë i kënaqur me të!) tregon se i Dërguari i Allahut ﷺ lutej në namaz: “Allahume ini eudhu bike min adhabil kabri, ve eudhu bike min fitnetil mahja ve fitnetil memat. Allahume ini eudhu bike minel methemi vel magram (O Allah, kërkoj mbrojtjen Tënde kundrejt dënimit të varrit, kërkoj mbrojtjen Tënde kundrejt sprovës së jetës dhe vdekjes! O Allah, kërkoj mbrojtjen Tënde kundrejt mëkateve dhe borxheve)!” Dikush i tha:
- Sa shumë që po kërkon mbrojtje kundrejt borxhit!
- “Kur njeriu hyn në borxh, mund të flasë diçka e të gënjejë, si dhe mund të premtojë e të mos e mbajë premtimin”, - tha Pejgamberi ﷺ.