Hadithet e ngjashme me hadithin 1202

Ebu Nuajmi na ka thënë: Na ka treguar Ameshi, e ky nga Shekik ibn Seleme se Abdullahu (Allahu qoftë i kënaqur me të!) tregon: “Kur faleshim pas Pejgamberit ﷺ, thoshim: “Eselamu ala Xhibrile ve Mikaile, eselamu ala fulanin ve fulan (Paqja qoftë mbi Xhibrilin dhe Mikailin. Paqja qoftë mbi filanin e filanin). I Dërguari i Allahut ﷺ u kthye dhe na tha: “Vetë Allahu quhet Es-Selam. Kur dikush falet, le të thotë: “Etehijatu lilahi ve salavatu ve tajibatu. Eselamu alejke ejuhe nebiju ve rahmetullahi ve berekatuhu. Eselamu alejna ve ala ibadilahi salihin (Përshëndetjet, lutjet dhe mirësitë i takojnë Allahut. Paqja, mëshira dhe bekimi qofshin mbi ty, o Pejgamber! Paqja qoftë mbi ne dhe mbi të gjithë robërit e mirë)!” Duke e thënë këtë, përfshini çdo rob të mirë të Allahut, në qiell dhe Tokë. (Pastaj le të vazhdojë:) “Eshhedu en la ilahe il-lallah ve eshhedu ene Muhameden abduhu ve resuluhu.”

Amër ibn Isai na ka thënë: Na ka treguar Ebu Abdusamed Abdulaziz ibn Abdusamedi, e këtij i ka treguar Husajn ibn Abdurrahmani, e ky nga Ebu Vaili se Abdullah ibn Mesudi (Allahu qoftë i kënaqur me ta!) tregon: “Në fillim, në namaz thoshim: “Përshëndetja qoftë për filanin”, dhe i përmendnim njerëzit me emra, i jepnim selam njëri-tjetrit, derisa na dëgjoi i Dërguari i Allahut ﷺ, e në atë rast na tha: “Thoni: “Etehijatu lilahi ve salavatu ve tajibatu. Eselamu alejke ejuhe nebiju ve rahmetullahi ve berekatuhu. Eselamu alejna ve ala ibadilahi salihin. Eshhedu en la ilahe il-lallah ve eshhedu ene Muhameden abduhu ve resuluhu.” (Të gjitha madhërimet e nderimet, namazet e lutjet dhe mirësitë i takojnë vetëm Allahut. Paqja shpëtimi, mëshira dhe bekimi qofshin mbi ty, o Pejgamber! Paqja qoftë mbi ne dhe mbi të gjithë robërit e devotshëm! Deklaroj se s'ka të adhuruar të denjë përveç Allahut dhe deklaroj se Muhamedi është rob dhe i Dërguari i Tij.) Duke e thënë këtë, përshëndesni çdo rob të mirë të Allahut, në qiell dhe Tokë.”

Musededi na ka thënë: Na ka treguar Jahjai, e ky nga Ameshi, e këtij i ka treguar Shekiku se Abdullahu (Allahu qoftë i kënaqur me të!) tregon: “Kur faleshim pas Pejgamberit ﷺ, thoshim: “Eselamu alallahi min ibadihi, eselamu ala fulanin ve fulan (Selami qoftë për Allahun prej robërve të Tij. Paqja qoftë mbi filanin e filanin)!” Pejgamberi ﷺ na tha: “Mos thoni: “Eselamu ala Allah (Selami qoftë për Allahun)”, sepse vetë Allahu quhet Es-Selam. Por thoni: “Etehijatu lilahi ve salavatu ve tajibatu. Eselamu alejke ejuhe nebiju ve rahmetullahi ve berekatuhu. Eselamu alejna ve ala ibadilahi salihin. (Përshëndetjet, selamet dhe mirësitë i takojnë Allahut. Paqja, mëshira dhe bekimi qofshin mbi ty, o Pejgamber! Paqja qoftë mbi ne dhe mbi të gjithë robërit e mirë).” Duke e thënë këtë, përfshini çdo rob të mirë të Allahut, në qiell ose mes qiellit dhe Tokës. (Pastaj le të vazhdojë) “Eshhedu en la ilahe il-lallah ve eshhedu ene Muhameden abduhu ve resuluhu.” Pastaj le të lutet me çfarëdo duaje.”