Hadithet e ngjashme me hadithin 1569

Kutejbe ibn Seidi na ka thënë: Na ka treguar Haxhaxh ibn Muhamed Aëvariu, e ky nga Shuëbe, e ky nga Amër ibn Murra se Seid ibn Musejebi tregon: “Aliu dhe Othmani, ndërsa ndodheshin në Usfan nuk pajtoheshin mes vete rreth çështjes së haxhit temetu.” Aliu tha: “Po mundohesh të ndalosh një punë që e ka vepruar vetë Pejgamberi ﷺ?” Kësisoj, me të parë këtë (nga Othmani), Aliu hyri në ihram për t'i bashkuar të dyja (haxhin dhe umrën - temetu).”

Muhamed ibn Beshari na ka thënë: Na ka treguar Gunderi, e këtij i ka treguar Shuëbe, e ky nga Hakemi, e ky nga Ali ibn Husejni se Mervan ibn Hakemi tregon: “Isha i pranishëm tek Othmani dhe Aliu (në Usfan), kur Othmani e konsideronte të ndaluar llojin (e haxhit) temetu dhe bashkimin e haxhit me umrën. Me të parë këtë, Aliu hyri në ihram për t'i bashkuar të dyja: “(O Allah), të përgjigjem për umre dhe haxh!,” si dhe tha: “Nuk e braktis Sunetin e Pejgamberit ﷺ për shkak të fjalës së dikujt tjetër.”