Hadithet e ngjashme me hadithin 2264

Jahja ibn Bukejri na ka thënë: Na ka treguar Lejthiu, e ky nga Ukajli, e ky nga Ibn Shihabi, e këtij i ka rrëfyer Urve ibn Zubejri se Aishja (Allahu qoftë i kënaqur me të!), gruaja e Pejgamberit ﷺ, ka thënë: “Që kur mbaj në mend, prindërit e mi gjithmonë e praktikonin fenë. Nuk kalonte ndonjë ditë pa na ardhur i Dërguari i Allahut ﷺ, mëngjes e mbrëmje. Ebu Bekrit i kishte rënë ndërmend të ndërtonte një vendfalje në oborrin e shtëpisë së vet. Aty falej dhe lexonte Kuran, saqë grave dhe fëmijëve të idhujtarëve u pëlqente (leximi), andaj ndaleshin për ta shikuar. Ebu Bekri lehtë bëhej për të qarë, nuk mund t'i ndalte lotët kur këndonte Kuran. Kjo gjë e frikësonte parinë e kurejshëve idhujtarë.”