Hadithet e ngjashme me hadithin 3875

Abdullah ibn Ebu Shejbe na ka thënë: Na ka treguar Ibn Fudajli, e ky nga Ameshi, e ky nga Ibrahimi, e ky nga Alkame se Abdullahu (Allahu qoftë i kënaqur me të!) tregon: “Në fillim, i jepja selam Pejgamberit ﷺ teksa ishte në namaz, e ai ma kthente. Mirëpo, kur u kthyem (prej Abisinisë), i dhashë selam, por nuk ma ktheu. Pastaj (pas namazit) tha: “Namazi është angazhim më vete.”^[1]

Ibn Numejri na ka thënë: Na ka treguar Ibn Fudajli, e këtij i ka treguar Ameshi, e ky nga Ibrahimi, e ky nga Alkame se Abdullahu (Allahu qoftë i kënaqur me të!) tregon: “Në fillim, kur i jepnim selam Pejgamberit ﷺ teksa ishte në namaz, na e kthente. Mirëpo, kur u kthyem prej Nexhashiut, i dhamë selam, por nuk na e ktheu. Pastaj (pas namazit) na tha: “Namazi është angazhim më vete.”^[1]

Ibn Numejri na ka thënë: Na ka treguar Is'hak ibn Mensuri, e këtij i ka treguar Hurejm ibn Sufjani, e ky nga Ameshi, e ky nga Ibrahimi, e ky nga Alkame, e ky nga Abdullahu, e ky nga Pejgamberi ﷺ, ngjashëm.