Sahihu i Buhariut — Hadithi 1211
11. Nënkapitulli: (Si të veprohet nëse) Kafsha e udhëtimit zgjidhet teksa pronari falet?
Katadja ka thënë: "Nëse dikush ia merr rrobën (namazliut), le ta ndjekë hajdutin dhe ta braktisë namazin."
1211. Nga: Ebu Berze Eslemiu
Ademi na ka thënë: Na ka treguar Shuëbe se Ezrek ibn Kajsi tregon: “Teksa isha pranë një lumi, në Ehvaz, ku po i luftonim harurinjtë (havarixhët), pashë një burrë duke u falur, i cili në dorë mbante kapistrën e kafshës. Kafsha tentonte të ikte dhe e tërhiqte atë para-mbrapa.”
Shuëbe tregon se burri në fjalë ishte Ebu Berze Eslemiu (Allahu qoftë i kënaqur me të!). Atëherë, një havarixh tha: “O Zot, këtij plaku shkaktoja këtë e atë! Kur ai e kreu namazin, tha: “Ju dëgjova çfarë thatë. Unë kam luftuar së bashku me të Dërguarin e Allahut ﷺ në gjashtë, shtatë ose tetë beteja dhe i kam parë lehtësimet që na i ka bërë. Të kthehem me kafshën time është më e dashur për mua sesa ta lë atë të kthehet e vetme në ahurin e saj e unë të lodhem (duke ecur në këmbë).”