Sahihu i Buhariut — Hadithi 373
14. Nënkapitulli: Të falurit me rroba që përmbajnë shenja (vizatime) dhe shikimi në to (gjatë namazit)
373. Nga: Aishe bint Ebu Bekri
Ahmed ibn Junusi na ka thënë: Na ka treguar Ibrahim ibn Sadi, e këtij i ka treguar Ibn Shihabi, e ky nga Urve se Aishja (Allahu qoftë i kënaqur me të!) tregon se Pejgamberi ﷺ u fal me një rrobë me larime dhe (gjatë namazit) u hodhi një shikim larimeve (të cilat e shpërqendruan). Pasi e kreu namazin, tha: “Kthejani këtë rrobë Ebu Xhehmit dhe më sillni një rrobë të tij pa larime, sepse pak më parë më hutoi në namaz.”
Hisham ibn Urve transmeton nga babai i tij, e ky nga Aishja se Pejgamberi ﷺ ka thënë: “Gjatë namazit më shkuan sytë në larimet e saj, andaj kam frikë se më huton.”