Sahihu i Buhariut — Hadithi 391
28. Nënkapitulli: Vlera e drejtimit nga kibla
Ebu Humejdi transmeton se Pejgamberi ﷺ ka porositur që gishtërinjtë e këmbëve duhen kthyer në drejtim të kiblës.
391. Nga: Enes ibn Malik Ensariu
Amër ibn Abasi na ka thënë: Na ka treguar Ibn Mehdiu, e këtij i ka treguar Mensur ibn Sadi, e ky nga Mejmun ibn Sijahu se Enes ibn Maliku (Allahu qoftë i kënaqur me të!) tregon se i Dërguari i Allahut ﷺ ka thënë: “Ai që e fal namazin sikurse ne, drejtohet nga kibla jonë dhe e ha mishin e therur nga ne, është musliman që meriton mbrojtjen e Allahut dhe të Dërguarit të Tij. Andaj, mos e tradhtoni Allahun (në besën e dhënë).”