Hadithet e ngjashme me hadithin 3351

Ebu Mameri na ka thënë: Na ka treguar Abdulvarithi, e këtij i ka treguar Ejubi, e këtij i ka treguar Ikrime se Ibn Abasi (Allahu qoftë i kënaqur me të!) tregon: “Kur i Dërguari i Allahut ﷺ erdhi (në Mekë), refuzoi të hynte në Qabe, se aty kishte idhuj, prandaj urdhëroi që të nxirreshin. Prej aty nxorën një pikturë, ku shihej Ibrahimi dhe Ismaili me shigjeta në duar (për të kërkuar fatin), e në atë rast i Dërguari i Allahut ﷺ tha: “Allahu i vraftë (idhujtarët)! Betohem në Allahun! Ata e dinin mirë se këta (Ibrahimi dhe Ismaili) kurrë nuk hodhën shigjeta për të kërkuar fatin.” Pastaj hyri në Qabe, bëri tekbir në anët e saj, por nuk u fal brenda.”

Is'hak ibn Nasri na ka thënë: Na ka treguar Abdurrezaku, e këtij i ka rrëfyer Ibn Xhurejxhi, e ky nga Atai se Ibn Abasi (Allahu qoftë i kënaqur me të!) ka thënë: “Kur Pejgamberi ﷺ hyri në Qabe, bëri dua pranë secilit kënd të saj, por nuk u fal brenda. Pasi doli jashtë, i fali dy rekate përballë Qabesë dhe tha: “Kjo është kibla.”