Hadithet e ngjashme me hadithin 7242

Ebu Jemani na ka thënë: Na ka rrëfyer Shuajbi, e ky nga Zuhriu, e këtij i ka treguar Ebu Seleme ibn Abdurrahmani se Ebu Hurejra (Allahu qoftë i kënaqur me të!) ka thënë: “I Dërguari i Allahut ﷺ ka ndaluar lidhjen e ditëve të agjërimit.” Një musliman i tha: “Por ti po e lidh, o i Dërguari i Allahut.” Ai tha: “Po cili prej jush është sikurse unë? Zoti im, gjatë natës, më ushqen me ushqim e pije.” E, kur ata refuzuan të ndaleshin së lidhuri agjërimin, një ditë Pejgamberi ﷺ e lidhi agjërimin me ta, më pas edhe një ditë tjetër, e pastaj e panë hënën e re, e në atë rast tha: “Sikur të vonohej, do t'jua shtoja”, si ndëshkim për ta, pasi refuzuan të ndaleshin.

Jahjai na ka thënë: Na ka treguar Abdurrezaku, e ky nga Mameri, e ky nga Hemami se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Kujdes, mos e lidhni agjërimin”, - dy herë. I thanë: “Por ti po e lidh.” Ai iu përgjigj: “Zoti im, gjatë natës, më ushqen me ushqim e pije. Angazhohuni me vepra aq sa mundeni.”