Sahihu i Buhariut — Hadithi 1213
12. Nënkapitulli: Të pështyrët dhe gulçimi që lejohen brenda namazit
Abdullah ibn Amri tregon se Pejgamberi ﷺ gulçonte në sexhde gjatë namazit të eklipsit.
1213. Nga: Abdullah ibn Omeri
Sulejman ibn Harbi na ka thënë: Na ka treguar Hamadi, e ky nga Ejubi, e ky nga Nafiu se Ibn Omeri (Allahu qoftë i kënaqur me të!) tregon se Pejgamberi ﷺ pa këlbazë në xhami në drejtim të kiblës, andaj u zemërua me të pranishmit në xhami dhe u tha: “Allahu është përpara jush gjatë kohës sa jeni në namaz. Andaj, mos pështyni, - ose ka thënë: mos nxirrni këlbazë (gjatë namazit) -.” Pastaj zbriti dhe e fshiu me dorë.
Ibn Omeri thotë: “Kur dikush pështyn, le të pështyjë majtas.”