Hadithet e ngjashme me hadithin 5422

Jahja ibn Bukejri më ka thënë: Na ka treguar Lejthiu, e ky nga Ukajli, e ky nga Ibn Shihabi, e këtij i ka rrëfyer Xhafer ibn Amër ibn Umeje se babai i tij Amër ibn Umeje (Allahu qoftë i kënaqur me të!) tregon se e ka parë të Dërguarin e Allahut ﷺ duke prerë mishin nga shpatulla e deles (për ta ngrënë) dhe, me t'u thirrur për namaz, e hodhi thikën dhe u fal pa e ripërtërirë abdesin.

Abdulaziz ibn Abdullahu na ka thënë: Na ka treguar Ibrahimi, e ky nga Salihu, e ky nga Ibn Shihabi, e këtij i ka rrëfyer Xhafer ibn Amër ibn Umejri, se babai i tij Amër ibn Umeje (Allahu qoftë i kënaqur me të!) tregon: “E kam parë të Dërguarin e Allahut ﷺ duke copëtuar një shpatull dhe duke ngrënë prej saj. Kur e thirrën për namaz, e la thikën dhe shkoi të falej, pa e ripërtërirë abdesin.”